ნინოწმინდის მუნიციპალიტეტის სოფელ გორელოვკის N3 საჯარო სკოლაში მოსწავლე-მასწავლებლები დიდი ზარ-ზეიმით ემზადებიან ახალი წლისთვის.
აღსანიშნავია, რომ სკოლაში, მოსწავლეთა და მშობელთა აქტიური ჩართულობით შთამბეჭდავი საახალწლო ღონისძიება ჩატარდა.
მოსწავლეებმა ღონისძიებაზე სახალისო და მრავალფეროვანი სცენები დადგეს. მათ ასევე იცეკვეს, იმღერეს და შემოქმედებითი უნარები წარმოაჩინეს
აქტივობებში აქტიურად ჩაერთნენ ასევე მოსწავლეთა მშობლები, რომლებმაც მოულოდნელი სიურპრიზი მოაწყვეს. მათ ცეკვები შეასრულეს და სასკოლო საზოგადოების განწყობა კიდევ უფრო აამაღლეს.
სკოლაში მშობლებს განსაკუთრებულ მადლობას უხდიან.
„მადლობა თამარ გორგაძეს, იამზე პაქსაძეს და მონაწილე მოსწავლეებს. განსაკუთრებულად დიდი მადლობა ჩვენი სკოლის მოსწავლეების აქტიურ მშობლებს. მადლობა მოულოდნელი სიურპრიზისთვის თქვენ“, - აღნიშნავენ სკოლაში.
ეს დღე განსაკუთრებული, შთამბეჭდავი და დასამახსოვრებელი აღმოჩნდა მოსწავლეებისთვის.
იხილეთ ფოტოები:
