ჩოხატაურის მუნიციპალიტეტის სოფელ შუასურების საჯარო სკოლაში დამდეგი შობა-ახალი წელი იზეიმეს. 

დირექციამ და პედაგოგებმა მოსწავლეთა ზღაპრულ განწყობაზე იზრუნეს და მოსწავლეებს ლამაზი ღონისძიება აჩუქეს. 

ღონისძიებაში ჩართული იყვნენ  I-XII კლასების ჩათვლით მოსწავლეები, ღონისძიება საინტერესოდ და სახალისოდ წარიმართა. წარმოდგენილი იყო არაერთი ცეკვა და მუსიკალური ნომერი, მოსწავლეებმა მხატვრულად წაიკითხეს ლექსები. ღონისძიების დასასრულს მოსწავლეებს საახალწლო საჩუქრები გადაეცათ.

საახალწლო დეკორაციების მომზადებაში აქტიურად მონაწილეობდა სამი მოსწავლე - ქეთი  შათირიშვილი, ლიზი შათირიშვილი და ნინი ტრაპაიძე.

ღონისძიების  მომზადებაში ჩართული იყო ესთეტიკის კათედრა და ქართული ენის კათედრა.

იხილეთ ფოტოები და ვიდეო: