საქართველოს საპატრიარქოს წმიდა თამარ მეფის სახელობის სკოლა-გიმნაზიაში პირველი სასწავლო სემესტრი საინტერესო, შემეცნებითი და შემოქმედებითი ღონისძიებებით იყო გაჯერებული, რომლებშიც მოსწავლეები დიდი პასუხისმგებლობითა და შემართებით ერთვებოდნენ.
მათ შორის იყო გიორგი ლეონიძის 125 წლის იუბილესთან დაკავშირებით გამართული ლიტერატულურ-მუსიკალური კომპოზიცია - „მართლაც, საიდან მოდის სილამაზე“.
სკოლაში კომპოზიცია მე-10ა კლასის მოსწავლეებმა წარადგინეს, დადგმის ხელმძღვანელი და კლასის დამრიგებელი კი, თამთა ხარატიშვილი გახლდათ.
მოსწავლეებმა გააცოცხლეს გიორგი ლეონიძის „მარიტას“ პერსონაჟები და სამსახიობო ოსტატობით, დამსწრე აუდიტორია სასიამოვნოდ გააოცეს.
აღსანიშნავია, რომ წარმოდგენაში, მე-5ა კლასის მოსწავლეებიც დიდი შემართებით, ხალისითა და ენთუზიაზმით მონაწილეობდნენ.
გიმნაზიის პედაგოგებთან და მოსწავლეების მშობლებთან ერთად, ღონისძიებას ესწრებოდნენ: გიმნაზიის დირექტორი, დეკანოზი მირიან სამხარაძე, გიმნაზიის ხარისხის მართვის მენეჯერი მაყვალა ანთაძე, გიმნაზიის სასწავლო პროცესების მენეჯერი მზიური კოჩალიძე.
ღონისძიების დასასრულს, დეკანოზმა მირიან სამხარაძემ დამდეგი შობა - ახალი წელი მიულოცა და მადლობა გადაუხადა მოსწავლეებსა და კლასის დამრიგებელს საინტერესო და ლამაზი წარმოდგენისათვის, ასევე, მშობლებს მხარდაჭერისა და ღონისძიებაში აქტიური ჩართულობისათვის.
იხილეთ ფოტოები:
