ტყიბულის N6 საჯარო სკოლის მოსწავლემ, ლიზი ბოჭორიშვილმა კუნგ-ფუს შეჯიბრში პირველი ადგილი მოიპოვა
27-12-2024
ტყიბულის N6 საჯარო სკოლის სასკოლო საზოგადოებას მოსწავლეები სიამაყის საფუძველს ხშირად აძლევენ.
ახლახან პედაგოგ შორენა ბუიღლიშვილის სადამრიგებლო - VIა კლასის მოსწავლემ, ლიზი ბოჭორიშვილმა წარმატებით იასპარეზა ტყიბულში გამართულ გელა გიორგაძის ხსოვნისადმი მიძღვნილ „იმერეთის პირველობაზე კუნგ-ფუ-ში“.
მან შეჯიბრებაზე, გოგონათა შორის, კუნგ-ფუს ორ სახეობაში პირველი ადგილი მოიპოვა. მოსწავლე შესაბამისი ხარისხის მედლითა და დიპლომით დაჯილდოვდა. აღსანიშნავია, რომ მისი მწვრთნელი ოლეგ ფანჩულიძე გახლავთ.
„ვულოცავთ, სკოლის სახელით, ლიზის ამ გამარჯვებას და წარმატებებს ვუსურვებთ“,- ამბობენ სკოლაში.
იხილეთ ფოტოები:
სკოლების სიახლეები
