ახალქალაქის N4 საჯარო სკოლის მე-2 კლასის მოსწავლეთა დაუვიწყარი მოგზაურობა საახალაწლო ზღაპარში
27-12-2024
ახალქალაქის N4 საჯარო სკოლაში მოსწავლე-მასწავლებლები ახალი წლისთვის განსაკუთრებულად ემზადებიან. სკოლაში ჟრიამული და წინასაახალწლო ატმოსფეროა შექმნილი.
სკოლის მე-2 გ კლასში, ამ ჯადოსნურ დღესასწაულთან დაკავშირებით, ღონისძიება ჩატარდა, რომელსაც დამრიგებელი არუსიაკ გოგორიანი ხელმძღვანელობდა. მან, როგორც სკოლაში აღნიშნავენ, ბავშვების განწყობაზე იზრუნა და მათ დაუვიწყარი საზეიმო თავგადასავალი მოუწყო.
ღონისძიებაზე, ლამაზ ფორმებში გამოწყობილმა მოსწავლეებმა სხვადასხვა მუსიკალური ნომერი შეასრულეს. იმღერეს, იცეკვეს, ლექსები წაიკითხეს და შემოქმედებითი უნარები წარმოაჩინეს.
აქტივობებში ისინი დიდი ენთუზიაზმითა და ინტერესით მონაწილეობდნენ.
ეს დღე იქ მყოფი თითოეული ადამიანისთვის შთამბეჭდავი და დასამახსოვრებელი აღმოჩნდა.
იხილეთ ფოტოები:
სკოლების სიახლეები
