ნოქალაქევის საჯარო სკოლაში მე-7 კლასელთა ფიზიკის ღია გაკვეთილი სწავლა კეთების მეთოდით წარიმართა
20-12-2024
სენაკის მუნიციპალიტეტის სოფელ ნოქალაქევის საჯარო სკოლაში მეტად საინტერესო სასწავლო პროცესი მიმდინარეობს და ორიენტირებულია მოსწავლეთა ინტერესებსა და მრავალმხრივ განვითარებაზე.
სემესტრის მიწურულს გაკვეთილებს ხარისხის მართვის ჯგუფი აკვირდება და მასწავლებლებს განმავითარებელ უკუკავშირს აძლევს.
ახლახან, ნოქალაქევის საჯარო სკოლის მე-7 კლასში, ფიზიკაში ჩატარდა ღია გაკვეთილი თემაზე - ნივთიერების აგებულება „მძიმე“ და „მსუბუქი“ ნივთიერებები. სასწავლო პროცესს პედაგოგი ნონა წურწუმია ხელმძღვანელობდა.
გაკვეთილის მიზანი იყო:
- მარტივი ცდების საფუძველზე ნივთიერების აგებულების წარმოდგენა;
- ნივთიერების აგრეგატული მდგომარეობის ცვლილების დადგენა და სიმკვრივის განსაზღვრა ექსპერიმენტულად;
- დიფუზიის მოვლენის სადემონსტრაციო მოდელის შექმნა.
მოსწავლეები აქტიურად ჩაერთნენ ჯგუფურ მუშაობაში. გაკვეთილი ჩატარდა „სწავლა კეთებით“ მეთოდით და საკმაოდ საინტერესოდ წარიმართა.
გაკვეთილს სკოლის ხარისხის მართვის ჯგუფის წევრები ესწრებოდნენ.
იხილეთ ფოტოები:
სკოლების სიახლეები
