სენაკის მუნიციპალიტეტის სოფელ ნოქალაქევის საჯარო სკოლაში მოსწავლეთა განვითარებაზე ორიენტირებული აქტივობები ხშირად ეწყობა.
ახლახან, V კლასში მეორე უცხოურ (რუსულ) ენასა და კომპიუტერულ ტექნოლოგიებში ინტეგრირებული გაკვეთილი ჩატარდა. მას მასწავლებლები - ელენე ბაღათურია და ლია ხელაია ხელმძღვანელობდნენ.
აღნიშნული გაკვეთილის თემა - Моя семья (ჩემი ოჯახი) გახლდათ. გაკვეთილს შემდეგი მიზნები ჰქონდა: ილუსტრაციაზე მუშაობა, მოკლე ტექსტის მოსმენა, მოსმენილი ინფორმაციის გააზრება, ახალი ლექსიკური ერთეულების შესწავლა, კომპიუტერული ტექნოლოგიების გამოყენებით.
გაკვეთილი მრავალფეროვანი აქტივობებისგან შედგებოდა. მოსწავლეებმა უყურეს ვიდეორგოლს ახალ თემაზე - Моя семья. მოკლე ტექსტს მოუსმინეს და გაიგეს ინფორმაცია ანას ოჯახზე, ასევე, უპასუხეს დასმულ შეკითხვებს.
მოსწავლეებმა საკუთარი ოჯახის წევრების გაცნობის მიზნით, ფოტოსურათებით საინტერესო პრეზენტაცია გამართეს. ისინი ახალ ასო-ბგერებს გაეცნენ და მათი მართლწერის ნორმების შესასწავლად, ვიდეო-რგოლებს უყურეს.
მოსწავლეები საგაკვეთილო პროცესში აქტიურად ჩაერთნენ. გაკვეთილს ხარისხის მართვის ჯგუფი: სკოლის დირექტორი - ნანა ჯგერენაია და დირექტორის მოადგილე - ციალა გოგოლი ესწრებოდნენ.
იხილეთ ფოტოები:
