ზესტაფონის მუნიციპალიტეტის სოფელ კვალითის საჯარო სკოლაში სასწავლო წელი მრავალფეროვანი აქტივობებითაა გაჯერებული.
მათ შორის, სკოლაში VIII-X კლასების მოსწავლეთა მონაწილეობით, ილია ჭავჭავაძის დაბადებიდან 187-ე წლისთავისადმი მიძღვნილი საიუბილეო საღამო - „მამული, ენა, სარწმუნოება“ ჩატარდა. მის ფარგლებში მოსწავლეებმა საინტერესოდ ისაუბრეს, სხვადასხვა შემოქმედებითი ნომერი გამართეს და სასკოლო საზოგადოების სიმპატია დაიმსახურეს. მათ და ქართულის პედაგოგ ციცინო აბჟანდაძეს სკოლაში მადლობას უხდიან.
გარდა ამისა, ილია ჭავჭავაძის შემოქმედებაზე დაყრდნობით, ლიტერატურულ-მუსიკალური კომპოზიცია მე-9 კლასის მოსწავლეებმაც გამართეს. ღონისძიებისას, თავად ილია ჭავჭავაძის სიტყვები - „აწმყო თუ არა გწყალობს, მომავალი შენია“ ისმოდა.
აღნიშნული კომპოზიციის მონაწილეებმა ყურადღება გაამახვილეს ერის სულიერი მოძღვრის ცხოვრების ძირითად ეპიზოდებზე.
„მადლობა მე-9 კლასის მოსწავლეებს და მათ პედაგოგს - ელისო ბერაძეს“,- ამბობენ სკოლაში.
იხილეთ ფოტოები:
