ხელვაჩაურის მუნიციპალიტეტის სოფელ ზემო თხილნარის საჯარო სკოლაში მოსწავლეთა მოტივირებასა და განვითარებაზე ორიენტირებული სასწავლო გარემოა ჩამოყალიბებული. 

იქ ახალგაზრდებისთვის დადებითი განწყობის შექმნასა და გახალისებას დიდი ყურადღება ექცევა. ამ მიმართულებით კი, სხვადასხვა აქტივობა ეწყობა. 

ამჯერად, სკოლაში „მანდარინობის ფესტივალი“ გაიმართა. მის ფარგლებში, მოსწავლეებმა კექსები, მაფინები, მურაბები და წვენები დაამზადეს.

გარდა ამისა, მოსწავლეებმა თემატური ბროშურები დაარიგეს და საზოგადოება ამ ხილის ჯადოსნურ თვისებებში კიდევ ერთხელ დაარწმუნეს. 

აქტივობები პედაგოგ ნათია კეკენაძის ხელმძღვანელობით გაიმართა. 

იხილეთ ფოტოები: