ავთანდილ დეკანოიძის სახელობის ქალაქ ქუთაისის N32 საჯარო სკოლის მოსწავლეთა სასკოლო ცხოვრება გაჯერებულია საგანმანათლებლო ღონისძიეიებით, რომელთა ინიციატორები არცთუ იშვიათად თავად მოსწავლეები არიან.
ქუთაისის N32 საჯარო სკოლის ეკოკლუბის - „ახალი სხივი“ წარმომადგენლები აქტიურად ჩაერთნენ სასკოლო კვირეულში, რომელიც დიდი ქართველი მოღვაწის, ილია ჭავჭავაძის დაბადების დღეს მიეძღვნა. მათი ინიციატივით, სკოლაში ჩატარდა შემეცნებით-ინტელექტუალური თამაში - „ტვინების ბრძოლა“, რომელშიც მე-11 კლასის მოსწავლეები მონაწილეობდნენ.
თამაში ეძღვებოდა ილია ჭავჭავაძის მოღვაწეობას განათლების სფეროში, განსაკუთრებით მნიშვნელოვანია წერა-კითხვის გამავრცელებელი საზოგადოების დაარსება, ხარისხიანი განათლებისა და თანაბარი სწავლის შესაძლებლობის გავრცელება.
კითხვები მოიცავდა აგრეთვე შემდეგ საკითხებს: ილიას მიერ სათავადაზნაურო ბანკის დაარსებას, ეკონომიკური ზრდისა და ფინანსური სერვისების ხელმისაწვდომობის გაუმჯობესებას, ილიას საქმიანობას, რომელიც მოიცავდა სამართლიანობის, მშვიდობისა და დემოკრატიული ინსტიტუტების მხარდაჭერას.
ინტელექტუალურ-შემეცნებით თამაშში სულ 3 გუნდი („თერგი“, „კვამლი“, „თერგდალეულები“) ასპარეზობდა. ამათგან საუკეთესო შედეგები დადო გუნდმა „თერგდალეულები“.
როგორც სკოლაში გვეუბნებიან, გამარჯვებულებს მოგვიანებით გადაეცემათ სერტიფიკატები.
იხილეთ ფოტოები:
