„ქართულ-ამერიკული უმაღლესი სკოლის“ დირექცია და პედაგოგები კურსდამთავრებულების მიღწევით ხშირად ამაყობენ.
ახალგაზრდების მიღწევებში მათი ლომის წილი მიუძღვით.
ამის დადასტურებაა ისიც, რომ სკოლის დირექტორმა - მამუკა მესხიშვილმა „შავი ზღვის საერთაშორისო უნივერსიტეტის“ რექტორის - კახა შენგელიას სახელით, მადლობის წერილი მიიღო.
როგორც წერილში ვკითხულობთ, კურსდამთავრებულებმა - სანდრო ფილაურმა და მარიამ ანსიანმა სახელმწიფო დაფინანსება მოიპოვეს და ამასთან ერთად, IBSU-ის შიდა სასწავლო გრანტით ისარგებლებენ.
„შავი ზღვის საერთაშორისო უნივერსიტეტის სახელით, მოხარული ვარ გაცნობოთ, რომ თქვენმა მოსწავლეებმა - სანდრო ფილაურმა და მარიამ ანსიანმა მოიპოვეს სახელმწიფო დაფინანსება და ამასთან ერთად ისარგებლებენ IBSU-ის შიდა სასწავლო გრანტით.
გულითად მადლობას მოგახსენებთ ნიჭიერი და პერსპექტიული ახალგაზრდების მომზადებისთვის.
მოგმართავთ თხოვნით, ჩვენი უნივერსიტეტის პროფესორ-მასწავლებლების სახელით, მადლობა გადასცეთ ყველა პედაგოგს, ვინც წვლილი შეიტანა წარმატებული და ღირსეული თაობის აღზრდაში“,- წერია კახა შენგელიას, შავი ზღვის უნივერსიტეტის რექტორის წერილში.
იხილეთ ფოტო:
