ხულოს მუნიციპალიტეტის სოფელ დანისპარაულის საჯარო სკოლის მოსწავლეებმა შემოდგომა ღონისძიებით გააცილეს.
მოსწავლეებმა მრავალფეროვანი სანახაობა მოაწყვეს, შემოდგომის სიუხვესა და მრავალფეროვნებას ლექსებითა და სიმღერებით შეასხეს ხოტბა, საშემოდგომო ნობათი გამოფინეს და ჩურჩხელებიც ამოავლეს.
დირექტორმა - ბადრი გელაძემ ღონისძიება დადებითად შეაფასა და მოსწავლეთა გულწრფელი ემოციებით თავადაც გაიხარა.
„ზღვა სიხარულითა და დატვირთული ემოციებით, გაბრწყინებული თვალებითა და უდიდესი მონდომებით, მოსწავლეთა და დაწყებითი კლასის აღმზრდელ-მასწავლებელთა აქტიური ხელმძღვანელობით გავაცილეთ ფერადი შემოდგომა.
გისურვებთ, რომ ყველა თქვენგანს მოგსწრებოდეთ მრავალი, მშვიდობიანი, ხალისიანი და ბარაქიანი შემოდგომა; ძვირფასო აღმზრდელებო! თქვენი ძალისხმევა არასოდეს მოჰკლებოდეთ ამ პატარა ვარსკვლავებს. მადლობა იმისათვის, რომ ყოველგვარი ძალისხმევით, ცდილობთ საამაყო თაობები აღზარდოთ და გააცილოთ ცხოვრების გზაზე!...“,- აღნიშნა დირექტორმა.
