ლაგოდეხის მუნიციპალიტეტის სოფელ ჰერეთისკარის საჯარო სკოლის დირექცია და პედაგოგები მოსწავლეთა ჩართულობას კონკურსებსა და საგანმანათლებლო ღონისძიებებში ახალისებენ და ბავშვების ინტელექტუალური და ანალიტიკური უნარების განვითარებაზე აქტიურად ზრუნავენ.
მოსწავლეებით სასწავლო შემართებით გამოირჩევიან და არაფორმალური განათლების პროექტებში ხალისით მონაწილეობენ და წარმატებაც სახეზეა.
ჰერეთისკარის საჯარო სკოლის მოსწავლეებმა წარმატებით დაძლეული საქალაქო ტურის შემდგომ გუნდური ინტელექტუალური თამაშის - „ტვინების ბრძოლის“ რეგიონულ ტურში იასპარეზეს.
სკოლის დირექტორმა მარინა ნანდოშვილი-წიქარიშვილმა მოსწავლეთა მიღწევები აღნიშნა, ბავშვები წაახალისა და „ტვინების ბრძოლაში“ აქტიური მონაწილეობისა და მიღწეული წარმატებებისათვის სამახსოვრო სერტიფიკატები გადასცა.
იხილეთ ფოტოები:
