ოროჯალარის საჯარო სკოლის მოსწავლეებმა სამცხე-ჯავახეთის კულტურულ მრავალფეროვნებას საინტერესო პრეზენტაცია მიუძღვნეს
05-12-2024
ნინოწმინდის მუნიციპალიტეტის სოფელ ოროჯალარის საჯარო სკოლაში სასწავლო პროცესი გაჯერებულია მრავალფეროვანი და საინტერესო აქტივობებით.
ახლახან, ისტორიის მასწავლებლის - კარინე ჩოგანდარიანის ინიციატივით, მე-6 კლასის მოსწავლეებმა „ჩვენი საქართველოს“ საგნობრივი თემა - სამცხე-ჯავახეთი, შეაჯამეს.
მათ დამსწრე საზოგადოებას პრეზენტაციის სახით წარუდგინეს სამცხე-ჯავახეთის კულტურული მრავალფეროვნება, ღირსშესანიშნაობები, სამზარეულო. ასევე საკუთარ მშობლებთან ჩაწერილი ინტერვიუები სოფლის მეურნეობის დარგების შესახებ.
ღონისძიება მოსწავლეებისთვის სასწავლო-შემეცნებითთან ერთად, სახალისო და თავშესაქცევი აღმოჩნდა.
იხილეთ ფოტოები:
სკოლების სიახლეები
