„წმინდა გიორგი და საქართველო“ - ხიზაბავრის საჯარო სკოლის მე-6 კლასის მოსწავლეთა საინტერესო ღონისძიება
03-12-2024
ასპინძის მუნიციპალიტეტის სოფელ ხიზაბავრის საჯარო სკოლაში სასწავლო პროცესი აქტიურად მიმდინარეობს. სკოლაში მნიშვნელოვანი დღესასწაულები და თარიღები ყოველთვის აღინიშნება.
ამჯერად, მე-6 კლასში (დამრიგებელი ლიანა დათაშვილი) გიორგობის ბრწყინვალე დღესასწაულთან დაკავშირებით, კლასის საათი ჩატარდა.
კლასის საათის ფარგლებში, სკოლაში თემით - „წმინდა გიორგი და საქართველო“ საინტერესო ღონისძიება გაიმართა.
მოსწავლეებმა წმინდანის ცხოვრების შესახებ ისაუბრეს, წაიკითხეს მისადმი მიძღვნილი ლექსები და სიმღერები (მუსიკის პედაგოგი თამარ მექოშვილი) შეასრულეს.
„მათი მონათხრობი კიდევ უფრო გაამდიდრა ისტორიის პედაგოგმა - გიორგი ქუქჩიშვილმა“, - აღნიშნავენ სკოლაში.
ეს დღე დასამახსოვრებელი, ემოციური და საინტერესო აღმოჩნდა იქ მყოფი თითოეული ადამიანისთვის.
იხილეთ ფოტოები:
სკოლების სიახლეები
