
ხობის მუნიციპალიტეტის შავღელეს საჯარო სკოლაში სასწავლო პროცესი გაჯერებულია მრავალფეროვანი საგანმანათლებლო ღონისძიებებით. აქტიურად აღინიშნება მნიშვნელოვანი თარიღები და მოვლენები. რა თქმა უნდა, მოსწავლე-მასწავლებელთა ყურადღების მიღმა არ დარჩენილია ილია ჭავჭავაძის დაბადების დღე. ამ გამორჩეულ თარიღს სკოლაში ღონისძიება მიეძღვნა.
მოსწავლეებმა სიამაყით აღნიშნეს, რომ განუზომელია ილია ჭავჭავძის ღვაწლი ქართველი ერის წინაშე და დამსწრე საზოგადოებას ილიას ამაგი შეგვახსენეს. მათ მწერლის ცხოვრებისა და შემოქმედების შესახებ პრეზენტაცია გამართეს. პატარებმა კი ილიას ლექსები წაიკითხეს.
„მადლობა თითოეულს ამ დღის გალამაზებისთვის“,- აღნიშნავენ სკოლაში და ახარებთ მოსწავლეთა აქტიურობა და შემოქმედებითობა.
იხილეთ ფოტოები: