ნინოწმინდის მუნიციპალიტეტის სოფელ განძის N2 საჯარო სკოლაში სასწავლო პროცესი საინტერესო და მრავალფეროვანი აქტივობებითაა გაჯერებული.

ამჯერად, სკოლაში, ილია ჭავჭავაძის დაბადების დღისადმი მიძღვნილი საინტერესო ღონისძიება ჩატარდა. 

ღონისძიება ქართულის, როგორც მეორე ენის პედაგოგების - ვახტანგ ხუციშვილის და კარინე ჰარუთიუნიანის დახმარებით გაიმართა. მოსწავლეებმა მწერლის ცხოვრებისა და მოღვაწეობის შესახებ საინტერესო ინფორმაციები მოიძიეს, ერთმანეთს გაუზიარეს და ცოდნა აიმაღლეს. მათ ასევე მხატვრულად წაიკითხეს დიდი მწერლის ლექსები.

აქტივობებში ისინი დიდი მონდომებით, ინტერესითა და შემართებით მონაწილეობდნენ.

აღსანიშნავია, რომ მსგავსი აქტივობები და ღონისძიებები სასწავლო პროცესში მოსწავლეთა ჩართულობას ზრდის.