ახალციხის მუნიციპალიტეტის სოფელ ურავლის საჯარო სკოლაში აქტიური და მოტივირებული მოსწავლეები სწავლობენ.
ისინი სასკოლო საზოგადოებას სიამაყის საფუძველს ხშირად აძლევენ. ამჯერად, მათ სპორტულ წარმატებას მიაღწიეს.
„სასკოლო სპორტული ოლიმპიადა 2024-2025-ის“ მუნიციპალური თამაშების ფარგლებში, ბადმინტონსა და ფრენბურთში შეჯიბრი გაიმართა. სპორტის ორივე სახეობაში, გოგონებს შორის, საპრიზო I ადგილია ურავლის საჯარო სკოლამ დაიკავა.
აღსანიშნავია, რომ საპრიზო ადგილზე გასული გუნდების წევრებს ახალციხის მუნიციპალიტეტის მერიისგან მედლები და სიგელები გადაეცათ.
„პირველი ადგილის მფლობელი გუნდები რეგიონულ თამაშებში ჩაერთვებიან. რეგიონულ თამაშში გამარჯვებული გუნდები კი, საქართველოს პირველობაზე იბრძოლებენ, შემდგომ კი საერთაშორისო შეჯიბრში იასპარეზებენ“,- გვიყვებიან სკოლაში.
იხილეთ ფოტოები:
