ახალქალაქის მუნიციპალიტეტის სოფელ პატარა სამსარის საჯარო სკოლაში არაერთი შემეცნებითი და ინტელექტუალური კონკურსი იმართება, რომელშიც მოსწავლეები დიდი ენთუზიაზმით ერთვებიან.
ამჯერად, სკოლაში, ინტელექტუალური თამაში - „რა? სად? როდის?“ ჩატარდა. კონკურსში მონაწილეობდნენ მე-4, მე-5 და მე-6 კლასების მოსწავლეები. ბავშვებმა ცოდნა და სხარტი აზროვნება წარმოაჩინეს.
როგორც სკოლაში ამბობენ, აღნიშნული თამაში მიზნად ისახავდა მოსწავლეთა ცნობიერების ამაღლებას, ჯგუფური მუშაობის უნარის განვითარებას.
თამაშის მეორე დღეს, 27 ნოემბერს კი გამარჯვებული ჯგუფები სიგელებით დააჯილდოვეს.
აღნიშნულ თამაშს მასწავლებელი ლ. კურგინიანი ხელმძღვანელობდა.
სასკოლო საზოგადოება მოსწავლეებს კონკურსში მონაწილეობისთვის მადლობას უხდის.
„დიდი მადლობა ყველას მონაწილეობისთვის“, - აღნიშნავენ სკოლაში.
იხილეთ ფოტოები:
