საქართველოს საპატრიარქოს წმიდა თამარ მეფის სახელობის გიმნაზიის მე-2 კლასელებმა ცნობილი ზღაპრის თეატრალური ვერსია დიდ სცენაზე ნახეს
02-12-2024
საქართველოს საპატრიარქოს წმიდა თამარ მეფის სახელობის გიმნაზიის პედაგოგები მოსწავლეებს ხელოვნების სიყვარულს შთააგონებენ. თეატრალური ხელოვნება კი განსაკუთრებით ფასეულია.
ახლახან, გასართობი კლასგარეშე ექსკურსიების ფარგლებში, თამარ მეფის სახელობის სკოლა - გიმნაზიის მე-2გ კლასის მოსწავლეები (დამრიგებელი ნარგიზა შელია) იმყოფებოდნენ ნოდარ დუმბაძის სახელობის მოზარდ მაყურებელთა თეატრში.
მოსწავლეებმა დიდ სცენაზე ნახეს ცნობილი ზღაპრის თანამედროვე თეატრალური ვერსია, ბევრი სიმღერით, ცეკვით, იუმორით, სიყვარულითა და სიკეთით აღსავსე წარმოდგენა - „სამი გოჭი“.
მოსწავლეები დადებითი ემოციებით დატვირთულები დაბრუნდნენ გიმნაზიაში.
მათ თან ახლდათ გიმნაზიის გახანგრძლივებულის პედაგოგი ქეთევან კოჩალიძე.
იხილეთ ფოტოები:
სკოლების სიახლეები
