ლაგოდეხის მუნიციპალიტეტის სოფელ მაწიმის საჯარო სკოლაში სასწავლო პროცესი საინტერესო და მრავალფეროვანი აქტივობებითაა გაჯერებული.
ამჯერად, სკოლაში, ემოციური და შთამბეჭდავი ღონისძიება ჩატარდა.
„მეოთხე კლასის მოსწავლეებმა (კლასის ხელმძღვანელი მანანა გაგნიძე), ხალისითა და გულმოდგინე ჩართულობით შემოდგომის ერთი დღე გაალამაზეს შემოდგომის ფერებით“, - აღნიშნავენ სკოლაში.
მოსწავლეები სხვადასხვა აქტივობაში ჩაერთნენ, სადაც შესაძლებლობები წარმოაჩინეს. ბავშვებმა ერთად მოამზადეს თათარა, რომელშიც ჩურჩხელები ამოავლეს და ყურძენი დაწურეს.
„გარშემო ყველაფერი შემოდგომასთან იყო ასოცირებული“, - გვეუბნებიან სკოლაში.
სკოლაში ღონისძიების მონაწილეებს და ორგანიზატორებს მადლობას უხდიან.
„დღემ ლამაზად და ნაყოფიერად ჩაიარა. უპირველესად მადლობა მშობლებს!
მადლობა თითოეულ მოსწავლეს, სკოლის დირექტორს, მაია ფრიდონიშვილს, ხათუნა მასწავლებელს, ქალბატონ სალომეს გვერდით დგომისთვის“, - ამბობენ სკოლაში.
იხილეთ ფოტოები:
