ხელვაჩაურის მუნიციპალიტეტის სოფელ განთიადის საჯარო სკოლაში სასწავლო პროცესი საინტერესო და მრავალფეროვანი აქტივობებითაა დატვირთული, რომლებშიც მოსწავლეები დიდი მონდომებით ერთვებიან.

ამჯერად, სკოლის მე-3 კლასში, შთამბეჭდავი და დასამახსოვრებელი ღონისძიება „ოქროსფერი შემოდგომა“ ჩატარდა.

საკლასო ოთახი ლამაზად, შემოდგომის ფერებით გაფორმდა. სკოლაში ასევე საშემოდგომო ნობათით ლამაზი კუთხე მოეწყო, რამაც მოსწავლეთა განწყობა კიდევ უფრო აამაღლა.

მესამეკლასელებმა ლექსები წაიკითხეს, იმღერეს, იცეკვეს და შემოქმედებითი უნარები წარმოაჩინეს. 

აქტივობებში ისინი დიდი მონდომებით, ინტერესითა და ხალისით იყვნენ ჩართულნი.

აღსანიშნავია, რომ მსგავსი აქტივობები და ღონისძიებები მოსწავლეთა მრავალმხრივ განვითარებას, მოტივაციის ამაღლებას ხელს უწყობს.

იხილეთ ვიდეო ბმულზე