ახალქალაქის მუნიციპალიტეტის სოფელ ბეჟანოს საჯარო სკოლაში სასწავლო წელი აქტიურად მიმდინარეობს. 

ახლახან, მესამე კლასში ძალიან საინტერესო გაკვეთილი ჩატარდა. მის ფარგლებში, მოსწავლეებმა ცხოველთა სამყარო შეისწავლეს. შექმნეს გაზეთი - „ცხოველები ბავშვების მეგობრები“ და კომიქსი - „ზოოპარკი“, რომელიც საკუთარი ხელით შექმნილი რესურსებით დაამზადეს, ეს ყველაფერი კი სასკოლო საზოგადოებას წარუდგინეს. 

გაკვეთილს ქართულის, როგორც მეორე ენის მასწავლებელი - გუანნა მკოიანი და კონსულტანტ მასწავლებელი - თამილა კობიაშვილი ხელმძღვანელობდნენ, რომლებიც მოსწავლეებს მეტად საინტერესო სასწავლო პროცესს სთავაზობენ.