შავსაყდრის საჯარო სკოლაში კიბერუსაფრთხოების თემაზე საინტერესო პრეზენტაცია გაიმართა
25-11-2024
თეთრიწყაროს მუნიციპალიტეტის სოფელ შავსაყდრის საჯარო სკოლაში, სხვადასხვა მიმართულებით, მოსწავლეთა ცნობიერების ამაღლებაზე აქტიურად ზრუნავენ.
ახლახან, „კიბერუსაფრთხოების“ თემაზე პრეზენტაცია გაიმართა. ღონისძიების ორგანიზატორი კომპიუტერული ტექნოლოგიების მასწავლებელი - ნინო ხაინდრავა იყო.
აქტივობის მიზანი ინტერნეტში არსებული შესაძლო საფრთხეების პრევენცია გახლდათ. V-IX კლასების მოსწავლეებმა, კიბერბულინგის შესახებ და ინტერნეტ საფრთხეებისგან თავის დასაცავ საშუალებებზე, თავიანთი შეხედულებები ერთმანეთს გაუზიარეს.
მოსწავლეებმა მოისმინეს რეკომენდაცია, როგორ აიცილონ თავიდან ინტერნეტ თამაშებზე დამოკიდებულება. აღნიშნულმა აქტივობამ ყველასთვის საინტერესოდ ჩაიარა.
იხილეთ ფოტოები:
სკოლების სიახლეები
