„მადლობა, რომ ასახელეთ მშობლიური სკოლა“- ქვედა საზანოს N2 სკოლის მოსწავლეთა გუნდმა ინტელექტუალურ თამაშში უდიდეს წარმატებას მიაღწია
25-11-2024
ექვთიმე თაყაიშვილის სახელობის ზესტაფონის მუნიციპალიტეტის სოფელ ქვედა საზანოს N2 საჯარო სკოლაში მიზანდასახული და ნიჭიერი მოსწავლეები სწავლობენ.
ისინი სასკოლო საზოგადოებას საკუთარი მიღწევებით ხშირად ანებივრებენ. მათ შორის, აღსანიშნავია, რომ ინტელექტუალური თამაშის - „ტვინების ბრძოლის“ საქალაქო პირველობაში სკოლის გუნდი - „მართვე“ პირველი ადგილის მფლობელი გახდა.
გუნდის წევრები არიან მე-8 კლასის მოსწავლეები: საბა ლელაძე, ლუკა ორბელაძე, ეთუნა ქურცაძე, ზაურიკო ლუტიძე და ლაშა ლომთაძე.
„დიდი მადლობა, რომ ასახელეთ მშობლიური სკოლა“,- ამბობენ სკოლაში.
იხილეთ ფოტო:
სკოლების სიახლეები
