
ლადო ასათიანის სახელობის ცაგერის მუნიციპალიტეტის სოფელ ბარდნალის საჯარო სკოლის მოსწავლეები, პროფესიონალი პედაგოგების მხარდაჭერით თავიანთ ცოდნასა და ინტელექტს ფართო ასპარეზზე, წარმატებით წარმოაჩენენ.
ამჯერად, ინტელექტუალური თამაშის - „ტვინების ბრძოლის“, მუნიციპალურ თამაშებზე, მოსწავლეთა სამ ასაკობრივ ჯგუფში სწორედ ბარდნალის საჯარო სკოლის გუნდებმა მოიპოვეს საპრიზო ადგილები.
მუნიციპალური ტურის პირველი ასაკობრივი ჯგუფის (მე-3 -- მე-5 კლასი) თამაში ამავე სკოლის გუნდ -„გამბედავების“, გამარჯვებით დამთავრდა, რომელიც მხოლოდ მეხუთეკლასელი ვაჟებითაა დაკომპლექტებული.
ასევე, პირველი ადგილის მფლობელი გახდა მეორე ასაკობრივი ჯგუფის (მე-6 -- მე-8 კლასები) გუნდი - „შევარდენი“, მესამე ასაკობრივი ჯგუფის გუნდი (მე-9 -- მე-12 კლასები) „გავაზი“, კი - მეორე ადგილზე გავიდა.
სკოლის დირექცია სამივე გუნდებს ულოცავს ამ მიღწევას და წინსვლას უსურვებს.
„გილოცავთ ამ მიღწევას, რომელიც თქვენი მშობლებისა და მასწავლებლების ერთობლივი ძალისხმევის შედეგია და წარმატებებს გისურვებთ შემდგომ, რეგიონულ, ეტაპზე!“, - აღნიშნა სკოლის დირექტორმა მთვარისა ახვლედიანმა.