
მარნეულის მუნიციპალიტეტის სოფელ სადახლოს N1 საჯარო სკოლაში ხშირად მიმართავენ ექსკურსიებს როგორც სასწავლო მეთოდს, რაც მოსწავლეთა ჩართულობასა და მოტივაციაზე აისახება.
მათ შორის აღსანიშნავია სასწავლო-შემეცნებითი ექსკურსია ქუთაისში.
„კიდევ ერთი სასიამოვნო და ერთობლივი ექსკურსია გვქონდა სადახლოდან ქუთაისში, ჭოღის სკოლასთან ერთად“,- გვიყვებიან სკოლაში და დასძენენ, რომ ექსკურსია მოსწავლეებისთვის მეტად საინტერესო და შემეცნებითი აღმოჩნდა.
ბავშვებმა დაათვალიერეს ქუთაისი, ესტუმრნენ ბაგრატის ტაძარსა და სათაფლიას. დასკვნით ნაწილში კი მხიარული თამაშებითა და ცეკვა-სიმღერებით გაერთნენ.