
ჩოხატაურის მუნიციპალიტეტის სოფელ იანეულის საჯარო სკოლის მოსწავლეები სასკოლო საზოგადოებას სიამაყის საფუძველს ხშირად აძლევენ.
მათ შორის, ისინი ინტელექტუალურ თამაშის -„ტვინების ბრძოლის“ 2024 წლის გაზაფხულის სეზონში მონაწილეობდნენ. მოსწავლეებმა შესაძლებლობები და ცოდნა გამოავლინეს, ღირსეულად იასპარეზეს და სკოლა ასახელეს.
მოსწავლეთა გუნდმა - „გენიოსები“, რომლის შემადგენლობაშიც მათე შარაშიძე, მათე ტუშური, ბარბარე კიკვაძე და თამარ რუხაძე იყვნენ, საქართველოს მაშტაბით, მე-8 ადგილი დაიკავა.
ქვეყნის მასშტაბით, მე-13 ადგილი კი, გუნდმა „სხარტებმა“ დაიკავა. მისი წევრები იყვნენ ლუკა ტუშური, ოთარ მახარაძე, ანა შარაშიძე და ბარბარე ტრაპაიძე.
„წარმატებები ჩვენს მოსწავლეებს“,- სკოლაში მათი მიღწევით ხარობენ და ამაყობენ.