„ნიკო ფიროსმანი და მისი შემოქმედება“ - საბუეს საჯარო სკოლაში საინტერესო გამოფენა მოეწყო
14-06-2024
ყვარლის მუნიციპალიტეტის სოფელ საბუეს საჯარო სკოლაში სასწავლო წელი საინტერესო, მოსწავლეთა მრავალმხრივ განვითარებასა და მოტივაციის ამაღლებაზე ორიენტირებული აქტივობებითაა გაჯერებული.
ამჯერად, სკოლაში გამოფენა „ნიკო ფიროსმანი და მისი შემოქმედება“ გაიმართა, რომელშიც IV-X კლასების მოსწავლეები მონაწილეობდნენ.
გამოფენის მიზანი იყო დიდი მხატვრის შესახებ ცნობადობის ამაღლება, მისი შემოქმედების „გაცოცხლება“ და მოსწავლეებში შემოქმედებითი უნარების განვითარება.
აღნიშნული გამოფენაში მონაწილეებს გადაეცათ სიგელები. ნამუშევრები გამოფენილია სკოლის შიდა სივრცეში.
გამოფენის ორგანიზატორი მაია ახალკაციშვილი გახლდათ.
იხილეთ ფოტოები:
სკოლების სიახლეები
