ქობულეთის მუნიციპალიტეტის სოფელ ჩაისუბნის N2 საჯარო სკოლის მე-4ბ კლასის მოსწავლეებმა წარმატებული ოთხი წელი საზეიმო ღონისძიებით დააგვირგვინეს.
როგორც სკოლაში გვიყვებიან, ღონისძიება დიდი ენთუზიაზმით, ემოციებითა და სიყვარულით იყო აღსავსე…
„დაწყებით კლასთან გამოთხოვება არც თუ ისე მარტივი აღმოჩდა მოსწავლეებისათვის, სულ რაღაც რამდენიმე წუთში ჩატეული გრძნობები მეტადრე ამაღელვებელი იყო ყველასათვის. ეს დღე ჯადოსნურ ზღაპარს დაემსგავსა! დაე, მუდამ ენთოთ მათ თვალებში მომავლის რწმენა, დიდება და ჟინი გამარჯვებისა! წარმატებები ჩვენს მომავალ თაობას, წინ ჯერ კიდევ მწვერვალები აქვთ დასაპყრობი!“,- გვეუბნებიან სკოლაში და მოსწავლეთა შემართება ახარებთ.
მოსწავლეებმა შემოქმედებითად წარმოაჩინეს თავი, თბილი სიყვარულით სავსე სიტყვებით შეაფასეს განვლილი ოთხი წელი და მოეფერნენ საყვარელ მასწავლებლებს, მხატვრულად წაიკითხეს ლექსები, იმღერეს, იცეკვეს და სახალისო ინსცენირებებიც წარმოადგინეს.
მე-4ბ კლასის კლასის დამრიგებლები ელენე დიასამიძე და მანანა ფევაძე არიან.
იხილეთ ფოტო-ვიდეომასალა:
