ნინოწმინდის მუნიციპალიტეტის სოფელ თორიის საჯარო სკოლაში მე-4 კლასის შემაჯამებელი ღონისძიება გაიმართა.
ღონისძიება „დამშვიდობება დაწყებით საფეხურთან“, რომელსაც მე-4 კლასის ხელმძღვანელი სონიკ პეტროსიანი ხელმძღვანელობდა, ძალიან ემოციური და შთამბეჭდავი აღმოჩნდა.
ზეიმზე, ბავშვებმა ლექსები წაიკითხეს, იმღერეს, იცეკვეს, სპექტაკლი გაითამაშეს, შემოქმედებითი უნარები და ცოდნა შესანიშნავად წარმოაჩინეს.
აღსანიშნავია, რომ წელს მე-4 კლასელები პირველ პედაგოგს ემშვიდობებიან. სწორედ ამიტომ, მათ საყვარელ მასწავლებელს ყველაფრისთვის მადლობა გადაუხადეს.
„მოსწავლეებმა თავიანთი გამოსვლებით მადლობა მოახსენეს დაწყებითი კლასის მასწავლებლებს და შეჰპირდნენ, რომ ისე გააგრძელებენ სწავლას, რომ არ შეარცხვინონ“, - აღნიშნავენ სკოლაში.
როგორც სკოლაში გვიყვებიან, ღონისძიება ისეთი შთამბეჭდავი იყო, რომ მოსწავლეთა მშობლებიდან ერთ-ერთმა ყველა მშობლის სახელით მადლობა გადაუხადა ღონისძიების ორგანიზატორ მასწავლებელს - სონიკ პეტროსიანს ასეთი სახალისო ზეიმისთვის.
იხილეთ ფოტოები:
