ამჯერადაც არ ყოფილა გამონაკლისი. როგორც სკოლაში აღნიშნავენ, სკოლაში „გემრიელი გაკვეთილი“ მოეწყო, რომლის ფარგლებშიც, მე-11 კლასის მოსწავლეები კულტურულ მრავალფეროვნებას გაეცნენ და საყვარელი კერძები მოამზადეს.

ქართული ენის გაკვეთილზე, ბავშვებმა შეარჩიეს თავიანთი საყვარელი კერძები, მოამზადეს რეცეპტები, გადაიღეს ვიდეო, გააკეთეს პრეზენტაცია POWER POINT-ის გამოყენებით და წარადგინეს გაკვეთილზე. ბოლოს კი მათი ნახელავი დააგემოვნეს. 

„პრეზენტაციამდე მათ დასჭირდათ კონკრეტული ტექსტების (როგორც მოსასმენი, ასევე საკითხავი) დამუშავება და გახსენება“, - აღნიშნავენ სკოლაში. 

გაკვეთილს ქართული ენისა და ლიტერატურის მასწავლებელი ანჟელა ღაზარიანი ხელმძღვანელობდა.