ხაშურის მუნიციპალიტეტის სოფელ სატივის საჯარო სკოლაში ჯანსაღი ცხოვრების წესის დამკვიდრებასა და სპორტის პოპულარიზაციას მნიშვნელოვანი ყურადღება ექცევა. სწორედ ამიტომ, სკოლაში სხვადასხვა სპორტული ღონისძიება და აქტივობა იმართება.
ამჯერად, სკოლაში, სპორტის მასწავლებლის - თეო ომანაძის ორგანიზებით, V-XI კლასის მოსწავლეების მონაწილეობით გოგონებსა და ვაჟებს შორის „მარათონული რბენა“ ჩატარდა.
აღსანიშნავია, რომ შიდასასკოლო შეჯიბრება თავისუფალი თამაშების ფარგლებში გაიმართა.
თამაშში გამოვლინდა გამარჯვებული პირველი, მეორე და მესამე ადგილოსნები.
მარათონის განხორციელებას ხელი შეუწყო, სკოლის ადმინისტრაციამ და უსაფრთხოებაზე პასუხისმგებელმა პირმა კოტე ლომსაძემ, მათემატიკის მასწავლებელმა - გიორგი ბალიაშვილმა და სკოლის ექთანმა - ნატო გელაშვილმა.
ეს დღე საინტერესო, დასამახსოვრებელი და სახალისო იყო.
იხილეთ ფოტოები:
