მახათაურის საჯარო სკოლის მოსწავლეები ვიქტორინა-კონკურსში წარმატებული მონაწილეობისთვის დაჯილდოვდნენ
12-06-2024
ირაკლი ბაზაძის სახელობის საჩხერის მუნიციპალიტეტის სოფელ მახათაურის საჯარო სკოლის მოსწავლეები სხვადასხვა პროექტსა და კონკურსში მონდომებით ერთვებიან.
მათ შორის იყო ვიქტორინა-კონკურსი „ჩვენი სამყარო 2024“, რომელშიც ბავშვები მონაწილეობდნენ.
7 ივნისს საჩხერის მოსწავლე ახალგაზრდობის სახლში გამოჩენილი ბიოქიმიკოსის, აკადემიკოს სერგი დურმიშიძის გარდაცვალებიდან 35-ე წლისთავისადმი მიძღვნილი ვიქტორინა-კონკურსი „ჩვენი სამყარო 2024“ გაიმართა, რომელიც მოიცავდა კითხვებს საბუნებისმეტყველო მეცნიერებების შესახებ.
აღნიშნულ კონკურსში მეორე ადგილი მახათაურის საჯარო სკოლის მოსწავლეებმა: თამარ ყიფშიძემ, ნინი თურმანიძემ, თამარ კუპრაშვილმა და ნიკოლოზ გვიანიძემ დაიკავეს.
მათი ხელმძღვანელი ქიმია-ბიოლოგიის მასწავლებელი ნარგიზ სამხარაძე გახლდათ.
მოსწავლეები მე-2 ხარისხის დიპლომებით დაჯილდოვდნენ და პროექტის ორგანიზატორებისგან საჩუქრად წიგნები გადაეცათ.
აღსანიშნავია, რომ სკოლაში მოსწავლეთა მიღწევებით ამაყობენ და წინსვლას უსურვებენ.
იხილეთ ფოტოები:
სკოლების სიახლეები
