ტყიბულის N6 სკოლის მოსწავლეებმა სამეგრელოს ისტორიული და კულტურული ძეგლები დაათვალიერეს
11-06-2024
ტყიბულის N6 საჯარო სკოლის Vა კლასის მოსწავლეები (დამრიგებელი - შორენა ბუიღლიშვილი) სასწავლო-შემეცნებით ექსკურსიაზე იმყოფებოდნენ.
როგორც სკოლაში გვეუბნებიან, მოსწავლეებმა სამეგრელოს კუთხეში ჩვენი ქვეყნის ისტორიული და კულტურული ძეგლები დაათვალიერეს. მათ პედაგოგთან ერთად მარტვილის წმ. ნინოს სახელობის დედათა მონასტერი მოილოცეს, მოინახულეს ნოქალაქევი, დადიანების საზაფხულო რეზიდენცია სალხინოში, დაათვალიერეს ასევე დადიანების სასახლე ზუგდიდში.
დღის ბოლოს მათ აფხაზეთის საზღვართან მდებარე ანაკლიის სანაპიროზე გაისეირნეს.
მოსწავლეები ბევრ საინტერესო ისტორიას გაეცნენ და ექსკურსიიდან წარუშლელი შთაბეჭდილებებითა და ემოციებით სავსე დაბრუნდნენ.
იხილეთ ფოტოები:
სკოლების სიახლეები
