ქობულეთის მუნიციპალიტეტის სოფელ ჩაისუბნის N2 საჯარო სკოლის პედაგოგები მოსწავლეებს მეტად საინტერესო და მრავალფეროვან სასწავლო პროცესს სთავაზობენ.
ახლახან, აჭარის განათლების, კულტურის და სპორტის სამინისტროს დაფინანსებული პროექტის ფარგლებში ჩაისუბმის N2 საჯარო სკოლის ბიოლოგიის მასწავლებელმა - მანანა ლემსაძემ VIII კლასში ჩაატარა პროექტ-გაკვეთილი თემაზე - „სასწაულების სამეფო“.
მე-8 კლასის მოსწავლეებმა პროექტის ფარგლებში დაწერილი სცენარი დადგეს, წარმოადგინეს მე-19 საუკუნის სამეფო კარი, სადაც სამეფო ადამიანის ორგანიზმია, როლებში კი ადამიანის ორგანოები არიან.
სცენარი გაალამაზეს ქართული ცეკვებით და სიმღერებით.
პროექტის დასასრულს გააკეთეს თვითშეფასება, გამოთქვეს კმაყოფილება პროექტის აქტივობების მიმართ და ერთმანეთს მისცეს რეკომენდაციები.
იხილეთ ფოტოები:
