თბილისის N28 საჯარო სკოლაში საქველმოქმედო ღონისძიება გაიმართა.
4 ივნისს, სკოლაში მოსწავლეთა, მასწავლებელთა, მშობელთა და ადგილობრივი თემის წარმომადგენელთა ჩართულობით გამოფენა- გაყიდვა ჩატარდა.
მოსწავლეებმა და მასწავლებლებმა გამოფინეს თავიანთი ხელნაკეთი ნაკეთობები და კულინარიული ნაწარმი.
განსაკუთრებით აქტიურობდნენ მეორეკლასელები მშობლებთან ერთად, ხოლო მე-6 კლასელებმა მრავალფეროვანი ნაწარმის გამოფენა- გაყიდვა სახალისო შეკითხვების გამოცნობით დაიწყეს და გამარჯვებულები ფასდაკლებებით წაახალისეს.
შემოსული თანხა მოსწავლეებისა და მშობლების გადაწყვეტილებით უახლოეს პერიოდში გადაეცემა დიდი დიღმის მცირე საოჯახო სახლის ბენეფიციარებს, მოსწავლეებმა დაამზადეს ბარათები-საჩუქრებით და ხელნაკეთი ნივთები საოჯახო სახლის ბენეფიციარებისთვის.
სიკეთე გადამდებია! - შესაბამისად მოსწავლეებმა გამოთქვეს სურვილი წელიწადში რამოდენიმეჯერ გამართონ მსგავსი სახის საქველმოქმედო გამოფენა-გაყიდვა, რათა კეთილი საქმეებით დაეხმარონ იმ ადამიანებს ვისაც ეს ყველაზე მეტად სჭირდება.
სკოლის ადმინისტრაცია მადლობას უხდის მასწავლებლებს, მოსწავლეებს, მშობლებს და თემის წარმომადგენლებს საქველმოქმედო ღონისძიებაში ჩართულობისთვის.
იხილეთ ფოტოები:
