ჩოხატაურის მუნიციპალიტეტის სოფელ ზემოსურების საჯარო სკოლის პედაგოგები მოსწავლეებს საინტერესო აქტივობებით დატვირთულ გაკვეთილებს სთავაზობენ.
ამჯერად, სკოლაში, რუსული ენის მასწავლებლის - ია ჟრენტისა და ქართული ენისა და ლიტერატურის მასწავლებლის - მარიამ თოდუას ხელმძღვანელობით ჩატარდა პროექტი თემაზე - „ნობელის პრემიის რუსი ლაურეატები“ (Русские нобелевские лауреаты).
პროექტში მონაწილეობდნენ IX-X კლასების მოსწავლეები. პროექტი მიმდინარეობდა 7 თვის მანძილზე.
მოსწავლეებმა მოიძიეს მასალა რუსი ნობელიანტი მწერლების შესახებ, შექმნეს პოსტერები და მოაწყვეს სამუშაო კუთხე, ისაუბრეს მათი შემოქმედების განვითარების მნიშვნელოვან ეტაპებზე.
„სწავლის კოგნიტური სტრატეგიების გამოყენებამ, როგორებიცაა: ინფორმაციის ორგანიზება, დამუშავება, შეჯამება, დასკვნების გამოტანა, ჩანაწერების გაკეთება, საკუთარი სწავლის პროცესის მონიტორინგი ხელი შეუწყო მოსწავლეებში ტრანსფერული უნარების განვითარებას (კომუნიკაციის,თანამშრომლობის,პრეზენტაციის)“, - გვიყვებიან სკოლაში.
იხილეთ ფოტოები:
