ქუთაისის N41 ფიზიკა - მათემატიკის საჯარო სკოლის ეზოში გამწვანების აქცია მოეწყო
10-06-2024
ანდრია რაზმაძის სახელობის ქალაქ ქუთაისის N41 ფიზიკა - მათემატიკის საჯარო სკოლის მოსწავლეები გარემოს დაცვის მნიშვნელობას ნათლად აცნობიერებენ, რადგან მათი ეკოცნობიერების ამაღლებაზე პედაგოგები აქტიურად ზრუნავენ. შესაბამისად გარემოსდაცვით საქმიანობაში მოზარდები აქტიურად და ხალისით არიან ჩართულნი.
5 ივნისს, ეკოლოგიის საერთაშორისო დღესთან დაკავშირებით, ქუთაისის ახალგაზრდული კლუბის წევრების ორგანიზებით ანდრია რაზმაძის სახელობის ქუთაისის N41 სკოლის ეზოში მოეწყო გამწვანების აქცია. ასევე, დასუფთავდა მიმდებარე ტერიტორია ნარჩენებისაგან.
სკოლაში მადლობას უხდიან კულტურულ-ჰუმანიტარულ ფონდ „სოხუმს“, რომლის მხარდაჭერითაც განხორციელდა აღნიშნული აქტივობა.
იხილეთ ფოტოები:
სკოლების სიახლეები
