ხაშურის მუნიციპალიტეტის სოფელ წაღვლის საჯარო სკოლაში განსაკუთრებული ყურადღება ეთმობა სპორტით დაინტერესბული მოსწავლეების მხარდაჭერასა მათ ხელშეწყობას, აქტიურად ჩაერთონ შეჯიბრებებში და თავიანთი შესაძლებლობები ფართო მასებს გააცნონ.
ამჯერად, სკოლა ამაყია გაგვიზიაროს მე-8 კლასის მოსწავლის ავთანდილ ჩანდიშვილის წარმატება.
ის დიღომში, ოლიმპიურ სოფელში მდებარე ტანვარჯიშის არენაზე, 17- წლამდე ძალოსანთა საქართველოს ჩემპიონატსა და ოლიმპიური ჩემპიონის რაფაელ ჩიმიშკიანის სახელობის ტურნირზე ასპარეზობდა.
მოსწავლემ უნარები წარმატებით წარმოაჩინა და 49 კგ წონით კატეგორიაში, ატაცსა და აკვრაში 1-ელი ადგილი დაიკავა და ოქროს მედლებს დაეუფლა.
„ვულოცავთ მას ამ დიდ გამარჯვებას და შემდგომ წარმატებებს ვუსურვებთ!“, - ასე ულოცავენ სკოლაში მოსწავლეს მიღწეულ შედეგს და ხარობენ მისი წარმატებით.
იხილეთ ფოტო:
