ქარელის მუნიციპალიტეტის სოფელ მოხისის საჯარო სკოლის მოსწავლეები გარემოს დაცვის მნიშვნელობას ნათლად იაზრებენ, რადგან მათი ეკოცნობიერების ამაღლებაზე პედაგოგები აქტიურად ზრუნავენ.
სკოლაში გარემოს დაცვის მსოფლიო დღე საინტერესოდ აღინიშნა. გარემოსდაცვით დღესასწაულს მე-6 კლასელთა „ჩვენი საქართველოს“ გაკვეთილი მიეძღვნა. სასწავლო პროცესს მასწავლებელი ნინო ჩაგელიშვილი ხელმძღვანელობდა.
მოსწავლეებმა წარმოადგინეს საინტერესო პრეზენტაციები გარემოს დაცვის დღესთან დაკავშირებით.
მოსწავლეებმა ისაუბრეს ადამიანების დაუდევრობაზე, ეკოლოგიურ პრობლემებზე, დასახეს მათი გადაჭრის გზები და ბუნების მოფრთხილების მნიშვნელობა კიდევ ერთხელ გაიაზრეს.
როგორც სკოლაში გვეუბნებიან, პრეზენტაციაზე გამოჩნდა მოსწავლეთა დავალებისადმი პასუხისმგებლიანი დამოკიდებულება და მასწავლებლის, როგორც ფასილიტატორის მუშაობა.
„მადლობა, პატარებო, გისურვებთ და ვისურვებთ ჯანსაღ გარემოში ცხოვრებას“,- აღნიშნავენ სკოლაში და მოსწავლეთა მონდომება და მასწავლებლის კრეატიულობა ახარებთ.
იხილეთ ფოტოები:
