
მესტიის მუნიციპალიტეტის სოფელ მულახის საჯარო სკოლაში არაერთი ღონისძიება იმართება, რომელშიც მოსწავლეები დიდი ინტერესითა და ხალისით ერთვებიან.
ახლახან, სკოლაში ჩატარდა ღონისძიება - „დედამიწას სიყვარული ატრიალებს“.
ღონისძიებაზე, ბავშვებმა წარადგინეს გურამ დოჩანაშვილის ცხოვრების ეპიზოდები სასიყვარულო ისტორიებთან დაკავშირებით, დადგეს სპექტაკლები და გაითამაშეს - „უშბა და თეთნულდი“.
ასევე, მოსწავლეებმა, ნოდარ დუმბაძის შემოქმედებიდან - „მე, ბებია, ილიკო და ილარიონი“, „წერილის“ მონაკვეთი გააჟღერეს, ლექსები მხატვრულად წაიკითხეს და საღამო სიმღერით დააგვირგვინეს.
აღსანიშნავია, რომ ღონისძიების ავტორი მაკა მინდიაშვილი გახლდათ.
იხილეთ ფოტოები: