ბავშვთა საერთაშორისო დღისადმი მიძღვნილი დიდი ზარ-ზეიმი ვაჩიანის საჯარო სკოლაში
06-06-2024
ახალქალაქის მუნიციპალიტეტის სოფელ ვაჩიანის საჯარო სკოლაში დიდი ჟრიამული და მხიარულება იყო.
იქ მე-11ა და მე-11ბ კლასის მოსწავლეებმა, ბავშვთა დაცვის საერთაშორისო დღესთან დაკავშირებით, დაწყებითი კლასის მოსწავლეებს სახალისო ნომრები წარუდგინეს.
მათ შეჯიბრი მოაწყვეს, პატარა მოსწავლეები ამღერეს და აცეკვეს. რასაკვირველია, თითოეულ აქტივობაში თავადაც უდიდესი მონდომებითა და ხალისით ჩაერთნენ. შესაძლებლობები გამოავლინეს და დრო ნაყოფიერად გაატარეს.
აღსანიშნავია, რომ ღონისძიების მაყურებლები და სკოლის პედაგოგები ულამაზესი სანახაობით კმაყოფილები იყვნენ. სადღესასწაულო განწყობას კი არაჩვეულებრივად მორთული გარემო კიდევ უფრო ამაღლებდა.
იხილეთ ფოტოები:
სკოლების სიახლეები
