წყალტუბოს მუნიციპალიტეტის სოფელ გუმათის საჯარო სკოლის პირველკლასელებმა სასწავლო წელი წარმატებით დაასრულეს. 

სასკოლო ცხოვრების პირველი წარმატებული ნაბიჯები და ანბანის წარმატებით შესწავლა კი ღონისძიებით - „ანბანის ზეიმი“ აღნიშნეს. 

პირველკლასელები დამსწრე საზოგადოების წინაშე მრავალფეროვანი საზეიმო პროგრამით წარდგნენ.

მოსწავლეებმა გაიხსენეს იაკობ გოგებაშვილის ღვაწლი ქართველი ერის წინაშე და მისი შექმნილი „დედაენისადმი“ სიყვარული და პატივისცემა ლექსებითა და სიმღერებით გამოხატეს.

ბავშვებმა ცოდნა და შესაძლებლობები წარმატებით წარმოაჩინეს და პედაგოგებს სიამაყის საფუძველი მისცეს.

ღონისძიებას პედაგოგები - დარეჯან ფირცხალავა და ირმა ჩუბინიძე ხელმძღვანელობდნენ.

იხილეთ ფოტოები: