ბათუმის N25 საჯარო სკოლაში სპორტის პოპულარიზაციას დიდი ყურადღება ეთმობა, პედაგოგები თუ დირექცია მხარს უჭერენ სპორტით დაინტერესებულ მოსწავლეებს და მათი წარმატებით ამაყობენ.
ამჯერად, სკოლა მოხარულია გაგვიზიაროს მე-8 კლასის მოსწავლეების წარმატება.
სლოვაკეთის ქალაქ ბრატისლავაში, მკლავჭიდში ევროპის 33-ე ჩემპიონატი ჩატარდა, მასში ხელვაჩაურის სასპორტო სკოლის სპორტსმენები მონაწილეობდნენ, რომლებიც ბათუმის N25 საჯარო სკოლის მე-8 კლასში სწავლობენ.
აღსანიშნავია, რომ მოსწავლეებმა თავიანთი შესაძლებლობები წარმატებით წარმოაჩინეს და შემდეგი საპრიზო ადგილები დაიკავეს:
მეორე ადგილი - ლიზი დიასამიძე, U15 ორივე მკლავში, ვერცხლი;
მესამე ადგილი - ეკა მაკარაძე, U15 მარცხენა მკლავში, ბრინჯაო.
„ვულოცავთ და ვუსურვებთ წარმატებებს!“, - აღნიშნავენ სკოლაში და ამაყობენ მოსწავლეების მიღწევით.
იხილეთ ფოტოები:
