აბაშის მუნიციპალიტეტის სოფელ ნაესაკოვოს საჯარო სკოლის მასწავლებლები მოსწავლეთა მხატვრული ლიტერატურითა და ზოგადად, წიგნის კითხვით დაინტერესებაზე აქტიურად ზრუნავენ. 

ამის ნათელი დასტურია ისიც, რომ წიგნიერების დონის ამაღლებისა და ლიტერატურის შეყვარების ხელშეწყობის მიზნით, მასწავლებლებმა. ბავშვთა დაცვის საერთაშორისო დღის აღსანიშნავად, მოსწავლეებს მათ მიერ შერჩეული წიგნები საჩუქრად გადასცეს. აღსანიშნავია, რომ მათზე სამახსოვრო წარწერებიც იყო განთავსებული. 

როგორც სკოლაში ამბობენ, ახალი სასწავლო წლიდან, არდადეგებიდან დაბრუნების შემდეგ, მოსწავლეები წაკითხულს ერთმანეთს გაუზიარებენ და საჯაროდ კითხვის საღამოებს გამართავენ.

სკოლაში აღნიშნავენ, რომ დისკუსიები გაიმართება და ამას ერთჯერადი სახე არ ექნება. 

იხილეთ ფოტოები: