ქუთაისის N33 საჯარო სკოლაში სასწავლო პროცესი მრავალფეროვანი ღონისძიებებითაა გაჯერებული, რომლებშიც მოსწავლეები დიდი სიამოვნებით ერთვებიან, აღსანიშნავია, ისიც, რომ პედაგოგები მოსწავლლეებს ეროვნულ ღირებულებებზე ზრდიან და მათთან ერთად ქვეყნისთვის მნიშვნელოვან თარიღებს ზეიმობენ.
ცხადია სკოლაში არც ეროვნული სამოსის დღე დარჩენილა აღნიშვნის გარეშე.
როგორც სკოლაში გვიყვებიან, ამ დღესთან დაკავშირებით გამართული ღონისძიება დაუვიწყარ, წარუშლელ შთაბეჭდილებად დარჩება მოსწავლეთა გონებაში.
სკოლის ადმინისტრაციისა და ინკლუზიური განათლების კათედრის თაოსნობით, ქართულ ეროვნულ სამოსში გამოწყობილმა გოგო-ბიჭებმა, ქართული ჰიმნის თანხლებით და სახელმწიფოს გაშლილი დროშებით მოაწყვეს მსვლელობა.
მსვლელობის, შემდეგ მე-5გ კლასის პედაგოგმა - მაკა ჯანელიძემ და მოსწავლეებმა გამართეს ღონისძიება - „ქართული ეროვნული სამოსის ისტორია“.
იხილეთ ფოტოები:
