
ოტია იოსელიანის სახელობის ქალაქ წყალტუბოს N1 საჯარო სკოლაში მოსწავლეთა მიღწევები საამაყო, დაფასებული და წახალისებულია.
ახლახან, სკოლაში საზეიმო დახვედრა მოუწყვეს „მსოფლიოს ვიცე ჩემპიონს“ - მე-9გ კლასის მოსწავლე ჯაბა ტყეშელაშვილს.
აღსანიშნავია, რომ ძალოსანი ჯაბა ტყეშელაშვილი წარმატებული სპორტსმენი და არაერთი ტიტულის მფლობელია, მათ შორის, 102 კგ. წონით კატეგორიაში საქართველოს ჩემპიონია.
დირექტორმა - ფაქიზო ფანჩულიძემ, დამრიგებელმა - სალომე ქობალიამ და მეგობრებმა საზეიმოდ მორთეს სკოლის ეზო, დაუგეს წითელი ხალიჩა და სიმბოლურად მოუსმინეს საქართველოს ჰიმნს.
შეხვედრას ესწრებოდნენ: სასწავლო ნაწილის გამგე დ.სილაგაძე, ისტორიის მასწავლებელი ფ.გიორხელიძე, ქართულ ენა/ლიტერატურის მასწავლებელი თ.გრიგოლია და მე-7 ა, მე-7ბ და მე-7გ კლასების მოსწავლეები.
შეხვედრაზე ჯაბამ ისაუბრა მისი წარმატებისა და სამომავლო გეგმების შესახებ. ის შეკრებილ საზოგადოებას შეჰპირდა და მომავალშიც არაერთხელ ასახელებს სკოლას.
„მომავალში მსოფლიო ჩემპიონობა აღგვითქვა. დამსწრე მოსწავლეებს კი მოუწოდა - შრომისკენ, რადგან მხოლოდ შრომას შეუძლია მიზნის ასრულება“,- გვიყვებიან სკოლაში.
იხილეთ ფოტოები: