ზესტაფონის მუნიციპალიტეტის სოფელ კვალითის საჯარო სკოლაში ბავშვთა დაცვის საერთაშორისო დღე საზეიმო გარემოში აღინიშნა.
ამ დღესთან დაკავშირებით, სკოლაში პედაგოგების - თამარ თურმანიძისა და თამთა გაჩეჩილაძის ხელმძღვანელობით, მრავალფეროვანი აქტივობები განხორციელდა.
ბავშვებმა თემატური ნამუშევრები შექმნეს, სადაც შემოქმედებითი უნარები შესანიშნავად წარმოაჩინეს. მათ, ასევე ფერადი ცარცებით სკოლის ეზო მოხატეს და ამ დღის მნიშვნელობაზე ისაუბრეს.
აქტივობებში ისინი დიდი მონდომებით, ინტერესითა და ხალისით მონაწილეობდნენ.
შეგახსენებთ, რომ 1-ელი ივნისს ბავშვთა დაცვის საერთაშორისო დღე აღინიშნება. ეს დღე 1949 წლის ნოემბერს ქალთა საერთაშორისო დემოკრატიულმა ფედერაციამ დააწესა, ხოლო 1950 წლიდან ყოველწლიურად აღინიშნება მსოფლიოს მრავალ ქვეყანაში. მისი მიზანია მსოფლიოს საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა-განვითარებისათვის.
იხილეთ ვიდეო:
