აკაკი ჩხენკელის სახელობის ქალაქ ხონის N2 საჯარო სკოლამ კიდევ ერთი თაობა გააცილა და დაულოცა გზა, რომელიც კენწეროში ტკბილდება.
თეთრ პერანგში გამოწყობილი ახალგაზრდებისთვის ემოციური იყო 12-წლიანი სასკოლო ცხოვრების დასასრული, და ბოლო დღე მშობლიური სკოლის კედლებში, საყვარელ მასწავლებლებთან და უმცროს თანასკოლელებთან ერთად.
დღის ბოლოს, ახალგაზრდების თეთრი პერანგები სასკოლო საზოგადოების ემოციური წარწერებით, მილოცვებითა და საუკეთესო სურვილებით შეიმკო.
„ისევ აწკრიალდა ბოლო ზარი. ისევ აჭრელდა თეთრი პერანგები. სადაც დაიწყო, იქ დასრულდა ბავშვობა, ლაღი და უდარდელი. ცხოვრების ბილიკებზე სასურველი გზის პოვნას და წარმატებულ მომავალს გისურვებთ, ჩემო მეთორმეტეკლასელებო!
... დაე, წარმატებით აგევლოთ ცხოვრების ყველა აღმართი! დაე, წარმატებული იყოს თქვენი ყოველი ნაბიჯი!“, - ამ სიტყვების ფონზე გააცილეს ახალგაზრდები სკოლიდან და მათ წინსვლა უსურვეს.
იხილეთ ფოტოები:
